सोमवारी डोंबिवलीत शिवरायांच्या आश्वारूढ शिल्पाचा लोकार्पण सोहळा. उपमुख्यमंत्री एकनाथ शिंदे यांची प्रमुख उपस्थिती
ठाणे, दिवा ता १५ मार्च : उद्या दि. १७ मार्च रोजी संध्याकाळी ७ वाजता डोंबिवलीत भव्य असा शिवरायांच्या अश्वारूढ शिल्पाचा लोकार्पण सोहळा होणार आहे. न भूतो..न भविष्यती…असा नेत्र दिपक सोहळा डोंबिवलीत पार पडणार आहे. डोंबिवलीच्या प्रवेशद्वारावर घरडा सर्कल येथे महाराष्ट्राचे आराध्य दैवत आणि ज्यांनी शून्यातून हिंदवी स्वराज्य कसे स्थापन करायचे हे सर्व जगाला दाखवून देणारे छत्रपती शिवाजी महाराज यांचा अश्वारूढ पुतळ्याचे अनावरण महाराष्ट्राचे उपमुख्यमंत्री ना. एकनाथ शिंदे यांच्या शुभहस्ते आणि कल्याण लोकसभेचे खासदार डॉ श्रीकांत एकनाथ शिंदे, डोंबिवलीचे आमदार आणि भाजपा कार्याध्यक्ष रवींद्र चव्हाण, हिंदु राष्ट्र सेना अध्यक्ष धनंजय देसाई, कल्याण ग्रामीण विधानसभा मतदारसंघाचे कर्तव्यदक्ष आमदार राजेश गोवर्धन मोरे आणि शिवसेनेचे पदाधिकारी , लोकप्रतिनिधी , महिला आघाडी युवा व युवतीसेना, शिवसैनिक , शिवप्रेमी नागरिक, हिंदू संघटनांचे सर्व प्रतिनिधी आदी सर्व मान्यवर उपस्थित राहणार आहेत.
या ऐतिहासिक क्षणाचे साक्षीदार होण्यासाठी कल्याण ग्रामीणचे आमदार राजेश मोरे यांनी सर्व नागरिकांना आवाहन केले आहे. प्रसंगी ठाणे जिल्हाधिकारी अशोक शिनगारे, कल्याण डोंबिवली महापालिका आयुक्त इंदूराणी जाखड तसेच शिवसेना ठाणे जिल्हा प्रमुख गोपाळ लांडगे तसेच समाज प्रबोधनकार हभप संग्राम (बापू) भंडारे (आळंदी) यांची विशेष उपस्थिती राहणार आहे.
About The Author
